منع أم الصحفي نذير القطاري من دخول ملعب رادس !

3٬069
كرت السيدة سنية رجب أم الصحفي المفقود في ليبيا نذير القطاري أنه تم منعها منذ قليل من دخول ملعب رادس، وروت السيدة سنية ما يلي: “هزيت لافتة و تصويرة نذير سفيان و مشيت لملعب رادس حتى يشوفها الشعب الليبي مادامها مباراة بين تونس و ليبيا دولتين يجمعنا دين الاسلام الي وصانا بالرحمة بين بعضنا
واكيد كيف يشوفوا ام هازة صورة ولدها اسير في ارضهم باش يحنو عليه و بالك يشوفها شكون كان سجين معاه و الا شكون شافو..
ما راعني كان الامن منعني من الباب اني ندخل و معايا لافتة و صور بعد ما خلاني ساعة و نصف نستنى في الموافقة في البرد.. الصور التجارية و لافتاتهم موجودة اما صورة انسان تونسي اسير ممنوعة
حسبي الله و نعم الوكيل فيهم كان طبقوا القانون راهو ولدي حر حسب الدستور اما هوما قالولي اليوم نهار فرحة موش نهار قضية ولدك
قتلهم فرحة تونس بتحرير اولادها ابجل من الكورة و تفرحوا بكورة خاتر الاسير ولدي انا الي نسينا الفرحة من 3 سنين و شهرين و جمعة و نسينا الدنيا و ما فيها
هزني بكرهبة الامن و وصلني للتاكسي باش نروح”.

You might also like More from author

Leave A Reply

Your email address will not be published.